നമ്മുടെ റോമാ അന്നും ഇന്നും, താരത്തിന്റെ ശക്തമായൊരു തിരിച്ചു വരവ് പ്രതീക്ഷിച്ച് ആരാധകർ..!

മലയാളത്തില്‍ നിരവധി സിനിമകളുടെ ഭാഗമായി തിളങ്ങിയിട്ടുള്ള നായികയാണ് റോമ. മി.എരബാബു എന്ന തെലുങ്ക് സിനിമയിലൂടെയാണ് റോമ സിനിമയിലെത്തിയത്.

ശേഷം തമിഴിൽ കാതലേ എൻ കാതലേ എന്ന ചിത്രത്തിൽ അഭിനയിച്ചു. സംവിധായകൻ റോഷന്‍ ആന്‍ഡ്രൂസ് സംവിധാനം ചെയ്ത നോട്ട്ബുക്ക് എന്ന ചിത്രത്തിലൂടെയാണ് റോമ മലയാള സിനിമയിൽ സജീവമായത്.

തുടര്‍ന്ന് ജൂലൈ 4, ചോക്ലേറ്റ്, ഷേക്സ്പിയർ എംഎ മലയാളം, മിന്നാമിന്നിക്കൂട്ടം, കളേഴ്സ്, ഉത്തരാസ്വയംവരം, ട്രാഫിക്, ചാപ്പാകുരിശ്, ഡബിള്‍സ്, കാസനോവ, ഗ്രാന്‍റ് മാസ്റ്റര്‍, ഫേസ് ടു ഫേസ്, സത്യ തുടങ്ങി ഇരുപതോളം സിനിമകളില്‍ റോമ അഭിനയിക്കുകയുണ്ടായി. ജയറാം നായകനായ സത്യ എന്ന ചിത്രത്തിലായിരുന്നു റോമ ഒടുവില്‍ അഭിനയിച്ചിരുന്നത്. അതിൽ താരത്തിന്‍റെ ഐറ്റം ഡാൻസ് ഏറെ ചര്‍ച്ചയായിരുന്നു.

ചോക്ലേറ്റ് എന്ന ഒറ്റ ചിത്രം കൊണ്ടാണ് റോമ പ്രേക്ഷകരുടെ ഇടയിൽ ശ്രദ്ധിക്കപ്പെട്ടത്. തുടർന്ന് നടി നായികയായും സഹനടിയായും ഒരുപോലെ തിളങ്ങി. പിന്നീട് പൊടുന്നനെ റോമ സിനിമയിൽ നിന്ന് അപ്രത്യക്ഷമാകുകയായിരുന്നു.

ഇപ്പോഴിതാ 2 വര്‍ഷങ്ങള്‍ക്ക് ശേഷം നടി വീണ്ടും സിനിമയിലേക്ക് തിരിച്ചെത്തുകയാണ്. വെള്ളേപ്പം എന്ന ചിത്രത്തിലൂടെയാണ് റോമ മലയാള സിനിമയിലേക്ക് തിരിച്ചെത്താനൊരുങ്ങുന്നത്.

പതിനെട്ടാം പടി എന്ന ചിത്രത്തിലൂടെ മലയാള സിനിമയിൽ നായകനായെത്തിയ അക്ഷയ് രാധാകൃഷ്ണനാണ് ചിത്രത്തിൽ നായകനായി എത്തുന്നത്. പ്രവീൺ പൂക്കാട് ആണ് ഈ ചിത്രം സംവിധാനം ചെയ്യുന്നത്.

ചിത്രത്തില്‍ അക്ഷയുടെ സഹോദരിയായിട്ടാണ് റോമ എത്തുന്നത്.വൈശാഖ് രാജന്‍, ഫഹിം സഫര്‍, സനിഫ് തുടങ്ങിയവരും ചിത്രത്തിൽ അഭിനയിക്കുന്നുണ്ട്. റൊമാന്‍റിക് കോമഡി എന്‍റര്‍ടെയ്നറായിട്ടാണ് സിനിമ ഒരുങ്ങുന്നത്. ജീവന്‍ ലാല്‍ ആണ് സിനിമയുടെ തിരക്കഥ എഴുതിയിരിക്കുന്നത്.

ഷിഹാബ് ഒങ്ങല്ലൂര്‍ ഛായാഗ്രഹണവും ഷമീര്‍ മുഹമ്മദ് ചിത്രസംയോജനവും ലീല ഗിരീഷ് കുട്ടൻ സംഗീതസംവിധാനവും നിര്‍വ്വഹിക്കുന്ന ചിത്രത്തിന്‍റെ നിര്‍മ്മാണം ജോസ് ചക്കാലക്കലാണ്. ചിത്രത്തിൻ്റെ ഷൂട്ടിങ് പൂർത്തിയാക്കിയിട്ടുണ്ട്. പോസ്റ്റ് പ്രൊഡക്ഷൻ സ്റ്റേജിലാണ് ചിത്രമിപ്പോഴുള്ളത്.

നടിയുടെ രണ്ടാം വരവിൽ പേരിൽ ചെറിയ മാറ്റം വരുത്തിയിട്ടുമുണ്ട്. റോമ എന്ന് എഴുതുന്നതിനോടൊപ്പം ഒരു എച്ച് കൂടിയാണ് താരം കൂട്ടിച്ചേർത്ത് പേരിൽ മാറ്റം വരുത്തിയിരിക്കുന്നത്.

ഇപ്പോഴിതാ താരത്തിന്റെ പഴയകാല ഫോട്ടോയും ഇപ്പഴത്തെ ഫോട്ടോയും ആണ് പ്രചരിച്ചു കൊണ്ടിരിക്കുന്നത്. താരം അന്നും ഇന്നും സുന്ദരി തന്നെയാണ് എന്നാണ് ആരാധകര്‍ കമന്റ് ചെയ്യുന്നത്. താരത്തിന്റെ ചിത്രങ്ങളെല്ലാം സോഷ്യല്‍ മീഡിയിയല്‍ വൈറലാകാറുണ്ട്.