ഇത് പഴയ നമ്മുടെ മീൻകാരി പെണ്ണല്ലേ, ആളാകെ മാറി പോയല്ലോ… ഹനാന്റെ പുതിയ ഫോട്ടോകൾ വൈറൽ

യൂണിഫോമിൽ മത്സ്യ വിൽപ്പനയ്ക്കെത്തിയ ഹനാനെ അത്രപെട്ടെന്നൊന്നും ആരുംതന്നെ മറക്കാനിടയില്ല. പഠനത്തിനിടെ സമയം കണ്ടെത്തി മീൻ വിൽപ്പന നടത്തി വൈറലായ ഹനാന് വാഹനാപകടത്തിൽ നട്ടെല്ലിന് പരിക്കേറ്റതും വലിയ വാർത്താപ്രാധാന്യം നേടിയിരുന്നു. ശേഷം ജീവിതത്തിലേക്ക് തിരികെ എത്തിയ ഹനാൻ ഇപ്പോൾ ബി എ മ്യൂസിക് മൂന്നാം വർഷ വിദ്യാർത്ഥിയാണ്. ഒറ്റയ്ക്കുള്ള ജീവിതത്തിനിടെ തന്റെ ഇഷ്ടങ്ങൾ യൂട്യൂബിലൂടെ പ്രേക്ഷകരുമായി പങ്കുവെക്കുവാനും ഹനാൻ സമയം കണ്ടെത്താറുണ്ട്.

തൻറെ പ്രിയപ്പെട്ട ഇടമാണ് വീട് എന്നും ഇഷ്ടമുള്ള സംഗീതോപകരണങ്ങൾ കൊണ്ട് വീട് നിറയ്ക്കണമെന്നുമാണ് തൻറെ ആഗ്രഹമെന്നും ഹനാൻ പറയുന്നു. കോഴിക്കോട് നിന്ന് തിരികെ വരുമ്പോഴായായിരുന്നു ഹനാൻ സഞ്ചരിച്ച കാർ അപകടത്തിൽപ്പെട്ടത്. ഇത് കേട്ട് പലരും പറഞ്ഞത് ആരുടെയോ കൂടെ കാറിൽ കറങ്ങാൻ പോയപ്പോഴാണ് അവൾക്ക് അത് സംഭവിച്ചത് എന്നും അങ്ങനെ തന്നെ വേണമെന്നും ആയിരുന്നു. എന്നാൽ കറങ്ങാൻ പോയതല്ല എന്നും കോഴിക്കോട് രണ്ടുമൂന്ന് ഉദ്ഘാടനങ്ങൾ ഉണ്ടായിരുന്നു അതിനു വേണ്ടി പോയി വരുമ്പോഴാണ് അപകടം നടന്നതെന്നും ഹനാൻ വ്യക്തമാക്കിയിരുന്നു.

ചെയ്യാത്ത കാര്യം പറഞ്ഞു കേട്ടപ്പോൾ വല്ലാതെ സങ്കടം തോന്നിയിരുന്നു എന്ന് അന്ന് താരം പ്രതികരിച്ചിരുന്നു. വലിയൊരു അപകടം ആയിരുന്നു അതെന്നും തുടർന്ന് ഫ്ലാറ്റിൽ തനിച്ചുള്ള ജീവിതം വല്ലാതെ ബുദ്ധിമുട്ടിലാക്കി എന്നും ഹനാൻ വ്യക്തമാക്കിയിരുന്നു. പിന്നെ സ്വയം സർവൈവ് ചെയ്തത് ആണ് ഇവിടെ വരെ എത്തിയത് എന്നും അന്ന് ആശുപത്രിയിലെ ചെലവുകൾ ഒക്കെ സർക്കാർതന്നെ വഹിച്ചിരുന്നു എന്നും തിരികെ വീട്ടിലെത്തിയപ്പോൾ തനിച്ചായി പോയിരുന്നു എന്ന് ഹനാൻ ഒരു അഭിമുഖത്തിൽ പറഞ്ഞിരുന്നു. മദ്യപാനിയായ വാപ്പച്ചി, രോഗിയായ ഉമ്മ ഇരുവരും വേർപിരിഞ്ഞ് താമസിക്കുമ്പോൾ തകർന്നുപോയ ബാല്യവും വാടകവീട്ടിലെ താമസവും.

ഇതിനൊക്കെ ഇടയിൽ കോളേജ് വിദ്യാഭ്യാസം പൂർത്തിയാക്കാനുള്ള നേട്ടവും ആയിരുന്നു ഹനാനിന്റെ ജീവിതം. അത്യധികം നാടകീയത നിറഞ്ഞ ജീവിതത്തിൽ നിന്നും ഒരു തകർപ്പൻ ട്വിസ്റ്റിലേക്ക് ആണ് ഹനാൻ എന്ന പെൺകുട്ടിയെ കൊണ്ടെത്തിച്ചത്. ഇലക്ട്രീഷ്യനായ ഹമീദിന്റെയും വീട്ടമ്മയായ ഷാഫിയുടെയും രണ്ടു മക്കളിൽ മൂത്തവളായി ആയിരുന്നു ഹനാന്റെ ജനനം. തൃശ്ശൂരിലെ സമ്പന്നമായ കൂട്ടുകുടുംബത്തിൽ ബന്ധുക്കളായ ഒരുപാട് കുട്ടികൾക്കൊപ്പം കളിച്ചുവളർന്ന ഹനാന് വളരെ പെട്ടെന്ന് ഒരു ദിവസം അവയെല്ലാം നഷ്ടമാവുകയായിരുന്നു.

ബന്ധുക്കൾ തമ്മിലുള്ള സ്വത്ത് തർക്കത്തെ തുടർന്ന് അന്നോളം സ്വന്തമായവർ എല്ലാം പെട്ടെന്ന് ഒരു ദിവസം കൊണ്ട് അന്യരായി.വാപ്പയ്ക്കും ഉമ്മയ്ക്കും അനിയനും ഒപ്പം വാടകവീട്ടിലേക്ക് ഹനാന് ജീവിതവും പറിച്ചു നടുക ആയിരുന്നു. നഗരത്തിലെ പ്രശസ്തമായ ബാറിലെ ഇലക്ട്രിക്കൽ കോൺട്രാക്ടർ വാപ്പച്ചി ഒപ്പു വച്ചതോടെ അദ്ദേഹം മദ്യപാനം തുടങ്ങുകയായിരുന്നു. വാപ്പച്ചി ദിവസവും മദ്യപിച്ച് വന്ന് ഉമ്മയെ അടിക്കുമായിരുന്നു. കയ്യിൽ കിട്ടുന്നത് എന്നാണോ അതെടുത്ത് ആയിരുന്നു അടിയ്ക്കുന്നത്. ഒരു ദിവസം വാപ്പച്ചിയുടെ കയ്യിൽ തടഞ്ഞത് സീലിംഗ് ഫാൻ ഹോൾഡർ ആണ്.

അത് ഉപയോഗിച്ച് ഉമ്മച്ചിയുടെ തലയിൽ അതിശക്തിയായി അടിച്ചു. പിന്നെ ഉമ്മ മാനസികാസ്വാസ്ഥ്യം പ്രകടിപ്പിച്ചു തുടങ്ങി. പക്ഷേ അതൊന്നും അച്ഛനിൽ ഒരു മാറ്റവും ഉണ്ടാക്കിയില്ല എന്നും ഒടുവിൽ മറ്റു വഴികൾ ഒന്നുമില്ലാതെ അച്ഛൻറെ ജ്വല്ലറി യൂണിറ്റ് താൻ ഏറ്റെടുത്തു എന്നും ഹനാൻ തന്റെ ജീവിതത്തെപ്പറ്റി വ്യക്തമാക്കിയിരുന്നു. ഇപ്പോൾ താരത്തിന്റെ ഏറ്റവും പുതിയ ഫോട്ടോഷൂട്ട് ചിത്രങ്ങൾ ആണ് ആരാധകർ ഏറ്റെടുത്തിരിക്കുന്നത്. ജീവിതത്തിനു മുൻപിൽ എന്ത് ചെയ്യണമെന്നറിയാതെ നിന്ന പെൺകുട്ടി അല്ല ഇന്ന്‌ ഹനാൻ എന്ന് ആരാധകർ ഒന്നടങ്കം പറയുന്നു.