ജോസഫിലെ നായികയല്ലേ ഇത്.. വർക്ക്ഔട്ട് ചെയ്യുന്ന കിടിലൻ വീഡിയോ പങ്കുവെച്ച് നടി മാധുരി, വീഡിയോ

എൻറെ മെഴുകുതിരി അത്താഴങ്ങൾ എന്ന ചിത്രത്തിലൂടെ അഭിനയരംഗത്തേക്ക് കടന്നുവന്നു എങ്കിലും ജോജുജോർജ് നായകനായെത്തിയ ജോസഫ് എന്ന ചിത്രത്തിലൂടെ മലയാളികൾക്ക് സുപരിചിതയായ താരമാണ് മാധുരി. ഇട്ടിമാണി മെയ്ഡ് ഇൻ ചൈന എന്ന മോഹൻലാൽ ചിത്രത്തിലൂടെ മലയാളികൾക്ക് മുന്നിൽ മറ്റൊരു അനുഭൂതി പകർന്നിട്ട താരം സോഷ്യൽമീഡിയയിലും സജീവസാന്നിധ്യം തന്നെയാണ്.

ബാംഗ്ലൂർ സ്വദേശിയായ മാധുരി, ലിസമ്മ എന്ന നാടൻ പെൺകുട്ടിയുടെ വേഷത്തിലാണ് ജോസഫിൽ പ്രത്യക്ഷപ്പെട്ടത്. ഇൻസ്റ്റാഗ്രാമിൽ താരം നിരവധി ചിത്രങ്ങൾ പങ്കുവെക്കുകയും അവയൊക്കെയും വൈറലായി മാറുകയും ചെയ്യാറുണ്ട്. ജോസഫ് എന്ന ചിത്രത്തിനു ശേഷം നിരവധി അവസരങ്ങളാണ് താരത്തിനെ തേടി എത്തിയത്. ജയറാമിനൊപ്പം പട്ടാഭിരാമൻ, മോഹൻലാലിനൊപ്പം ഇട്ടിമാണി മേഡ് ഇൻ ചൈന എന്നീ ചിത്രങ്ങളിലെല്ലാം വേഷം കൈകാര്യം ചെയ്യാൻ സാധിച്ച താരം അൽമല്ലു എന്ന ചിത്രത്തിൽ നടിയായും പിന്നണിഗായികയായും തകർത്തിരിക്കുകയാണ്.

ജോസഫിലെ പാട്ടുകൾ ഒരുക്കിയ രഞ്ജിൻ രാജ് ആണ് അൽമല്ലുവിൽ സംഗീതം നിർവഹിച്ചത്. ഒരു റെട്രോപ് ടൈപ്പ് രീതിയിലുള്ള ഗാനമാണ് മാധുരി ചിത്രത്തിൽ ആലപിച്ചിരിക്കുന്നത്. ആദ്യചിത്രത്തിൽ തനിനാടൻ പെൺകുട്ടിയായാണ് മാധുരി പ്രത്യക്ഷപ്പെട്ടത്. എങ്കിലും വ്യക്തിജീവിതത്തിൽ മോഡേൺ സ്വഭാവം വെച്ചു പുലർത്തുന്ന ആളാണ് താരം. മാധുരിയുടെ യൂട്യൂബ് ചാനലിൽ താരം പങ്കുവെച്ച ഒരു ഗാനം കേൾക്കാനിടയായ സംവിധായകൻ ബോബൻ സാമുവലാണ് മാധുരിയെ അൽമല്ലു എന്ന ചിത്രത്തിലേക്ക് ക്ഷണിച്ചത്.

ഇൻസ്റ്റാഗ്രാമിൽ പങ്കുവെച്ച് പല ചിത്രങ്ങൾക്കും താഴെ സദാചാരവാദികളുടെ ആക്രമണമുണ്ടായപ്പോൾ ശക്തമായ ഭാഷയിൽ പ്രതികരിക്കുവാനും താരം മറന്നിട്ടില്ല. ചിത്രം പങ്കുവെച്ച് അതിനെതിരെ ചിലർ വിമർശനം ഉന്നയിച്ചപ്പോൾ ഇങ്ങനെ ഒരു ചിത്രം ഇട്ടതാണോ പ്രശ്നം..നിങ്ങൾ മലയാളികൾക്ക് അപമാനമാകരുത് എന്നായിരുന്നു താരത്തിന്റെ മറുപടി. ആരാധകർ എന്ന് പറയപ്പെടുന്ന ആളുകൾ നടത്തുന്ന വിമർശനവും ട്രോളും ഭയന്ന് ഇഷ്ടമുള്ള ചിത്രം എഡിറ്റ് ചെയ്യേണ്ടിവരുന്ന അവസ്ഥയെക്കുറിച്ചും മാധുരി സോഷ്യൽ മീഡിയയിൽ കുറിച്ചിരുന്നു.

ഇത്തരത്തിൽ എഡിറ്റ് ചെയ്ത ഒരു ചിത്രവും താരം പങ്കുവെക്കുകയുണ്ടായി. നമുക്ക് വളരെയധികം ഇഷ്ടപ്പെടുന്ന ഒരു ചിത്രം ആരാധകർ എന്ന് പറയപ്പെടുന്ന ആളുകളുടെ വിമർശനവും ട്രോളും കാരണം സ്വയം ഭ്രാന്ത് പിടിക്കാതിരിക്കാൻ വേണ്ടി എഡിറ്റ് ചെയ്യേണ്ടി വരുമ്പോൾ എന്ന് കുറിച്ചു കൊണ്ടാണ് താരം ചിത്രം പങ്കുവെച്ചത്. താരമിപ്പോൾ ഏറ്റവുമൊടുവിലായി സോഷ്യൽ മീഡിയയിൽ അപ്‌ലോഡ് ചെയ്തിരിക്കുന്നത് ജിമ്മിൽ നിന്നുള്ള തൻറെ വർക്കൗട്ട് ചിത്രങ്ങളാണ്. പങ്കുവെച്ച് നിമിഷനേരത്തിന് ഉള്ളിലാണ് താരത്തിന്റെ ഈ ചിത്രങ്ങളും വീഡിയോയും ആരാധകർ ഏറ്റെടുത്ത് കഴിഞ്ഞത്.

മുൻപ് സോഷ്യൽ മീഡിയ അക്കൗണ്ട് വഴി മാധുരിയുടെ ചില അശ്ലീല ചിത്രങ്ങൾ പ്രചരിച്ചിരുന്നു. എന്നാൽ തനിക്ക് ഈ കാര്യത്തിൽ യാതൊരു അറിവും സമ്മതമോ ഇല്ലെന്നും ഞാൻ മോഡലിങ് ചെയ്യുന്ന നേരത്ത് എടുത്ത ചിത്രങ്ങളായിരുന്നു പ്രചരിക്കുന്നത് എന്നുമായിരുന്നു താരം കുറിച്ചത്. സൈബർ ഞരമ്പൻ മാർക്ക് എന്ത് പ്രയോജനമാണ് ഇതുപോലെ ചെയ്യുമ്പോൾ കിട്ടുന്നതെന്ന് തനിക്ക് മനസ്സിലാകുന്നില്ലെന്നും താനും ഒരു മനുഷ്യനാണ് ഒന്നും കണ്ടില്ല കേട്ടില്ല എന്ന് കരുതി ഇരിക്കുന്നത് എങ്ങനെയാണ് അങ്ങനെ സഹികെട്ടാണ് ഞാൻ പ്രതികരിക്കാൻ തയ്യാറായതെന്നും മാധുരി പറയുകയുണ്ടായി.