admin
എതപെട്ടെന്നാണ് കുട്ടികള്‍ വളരുന്നത്… പ്രത്യേകിച്ച് പെണ്‍കുട്ടികള്‍. കുട്ടിയുടുപ്പിട്ട് കൊഞ്ചിക്കൊണ്ട് സിനിമയില്‍ എത്തിയിരുന്ന ബാലതാരങ്ങളെ പിന്നീട് സാരിയിലും മറ്റും കാണുമ്പോള്‍ ചിലര്‍ക്കെങ്കിലും അത്ഭുതം തോന്നാറുണ്ട്. ഇപ്പോള്‍ അത്തരത്തില്‍ ചെറുപ്പത്തിലെയും മുതിര്‍ന്നപ്പോഴുമുള്ള ഫോട്ടോകള്‍ വെച്ച് തരംഗമായിക്കൊണ്ടിരിക്കുന്നത് ഗോപിക അനിലും കീര്‍ത്തന അനിലുമാണ്.
ഇരുവരും ബാലേട്ടനില്‍ ലാലേട്ടനും ദേവയാനിയ്ക്കുമൊപ്പം തകര്‍പ്പന്‍ അഭിനയം കാഴ്ചവെച്ചവരാണ്. പിന്നീട് ഇപ്പോള്‍ സാരിയൊക്കെ ഉടുത്ത് സിന്ദൂര തിലകം ചാര്‍ത്തി ശിവേട്ടന്റെ സ്വന്തം അഞ്ജലിയായി ഗോപിക തിളങ്ങുകയാണ്.
ഇതിന് മുന്‍പ് സഹോദരി കീര്‍ത്തന സീ കേരളത്തില്‍ സംപ്രേഷണം ചെയ്തിരുന്ന കബനി എന്ന സീരിയലില്‍ ഗോപികക്കൊപ്പം മുഖ്യവേഷത്തില്‍ എത്തിയിരുന്നു. ഇപ്പോള്‍ മലയാളം ടെലിവിഷന്‍ പ്രേക്ഷകര്‍ക്ക് ഏറെ പ്രിയപ്പെട്ട താരങ്ങളാണ് ഗോപിക അനിലും സഹോദരി കീര്‍ത്തന അനിലും.
സാന്ത്വനം പരമ്പരയിലെ അഞ്ജലി എന്ന കഥാപാത്രമായി മിന്നും പ്രകടനം കാഴ്ചവെച്ചുകൊണ്ട് ശിവേട്ടന്റെ മാത്രമല്ല മലയാളികളുടെ മുഴുവന്‍ ഹൃദയത്തില്‍ ഇടം നേടിയിരിക്കുകയാണ് ഗോപിക. ഗോപിക പങ്കുവെക്കാറുളള സാന്ത്വനം ലൊക്കേഷന്‍ വീഡിയോകളില്‍ പലപ്പോഴും സഹോദരി കീര്‍ത്തനയെയും കാണാറുണ്ട്. അനിയത്തിയെ വളരെ ചേര്‍ത്തുപിടിക്കാറുള്ള ആളാണ് ഗോപിക. തന്റെ സോഷ്യല്‍ മീഡിയ പേജിലും അനിയത്തിക്കൊപ്പമുള്ള ചിത്രങ്ങളും മറ്റും സ്ഥിരം പോസ്റ്റ് ചെയ്യാറുണ്ട് താരം.
ഇരുവരും ഒന്നിച്ച് സ്‌ക്രീനില്‍ എത്തുന്നതിനെപ്പറ്റിയും ആരാധകര്‍ ചര്‍ച്ച ചെയ്യാറുണ്ട്. സാന്ത്വനത്തില്‍ പറ്റിയ കഥാപാത്രമുണ്ടെങ്കില്‍ കീര്‍ത്തനയെയും കൊണ്ടുവരണെമെന്ന് ആരാധകര്‍ ആവശ്യപ്പെടാറുണ്ട്. എന്നാല്‍, ഇതിനൊപ്പം ഇപ്പോള്‍ സോഷ്യല്‍ മീഡിയയില്‍ ഇരുവരുടേതുമായി ഇപ്പോള്‍ തരംഗമാകുന്ന മറ്റൊന്നു കൂടിയുണ്ട്.
കുട്ടികളായിരിക്കെ ഇരുവരും ഒന്നിച്ചഭിനയിച്ച ഒരു പരസ്യ ചിത്രം. നിഷ്‌കളങ്കമായ മുഖഭാവത്തില്‍ ഗോപികയും കീര്‍ത്തനയും ഒത്തുചേര്‍ന്ന പരസ്യചിത്രം ഒരു ടെക്‌സ്‌ടൈല്‍ ഷോപ്പിന്റെതാണ്.
വര്‍ഷങ്ങള്‍ക്കിപ്പുറം ഇപ്പോള്‍ ആ പരസ്യം സാന്ത്വനം ഫാന്‍സ് ഗ്രൂപ്പിലുള്‍പ്പെടെ വൈറലാവുകയാണ്. അഞ്ജു ച്ചേച്ചി അന്നും എത്ര ക്യൂട്ട് ആയാണ് അഭിനയിച്ചിരിക്കുന്നതെന്നാണ് ആരാധകരുടെ കമന്റ്. സഹോദരിമാര്‍ ഒളിച്ചും പാത്തും കളിക്കുന്നത് കാണിച്ചു കൊണ്ടാണ് വീഡിയോ ആരംഭിക്കുന്നത്. അന്നത്തെ പുത്തനത്താണി ഗ്രാന്‍ഡ് സില്‍ക്‌സിന്റെ പരസ്യ ചിത്രമാണ് ഇപ്പോള്‍ വൈറലായി മാറിയിരിക്കുന്നത്. ഗോപികക്കൊപ്പം കീര്‍ത്തനയും പരസ്യചിത്രത്തില്‍ വളരെ ക്യൂട്ട് ആയി അഭിനയിച്ചിരിക്കുന്നുവെന്ന് പറയുകയാണ് ആരാധകര്‍.
